Nytt tilbud i sang/ vokal høsten 2021
Martine Haugen er ny lærer i kulturskolen i tilbudet sang/ vokalopplæring. Les hennes hilsen til nye elever her.
Musikk bringer med seg så mykje glede og gode opplevingar, berre ein tør å kaste seg ut i det.
Musikk er noko eg alltid har vore interessert i. Frå tidleg av vart eg eksponert for musikk gjennom min næraste familie, og då gjekk det som regel i danseband og Bruce Springsteen. Gjennom musikkfaget på skulen fekk eg auga opp for gitarspeling, og eg fant ut at dette var noko eg ville fortsette med. Eg syntes at det å spele gitar gav ein fantastisk meistringskjensle når eg utvikla meg og lærte nye ting, i tillegg til at det vart ein ny måte å uttrykke meg på. I likskap med i dag, brukte eg musikken som ein måte å slappe av på, og for å ignorere omverdenen for ei lita stund.
Denne gryende interessen gjorde at eg meldte meg inn i kulturskulen i 5.klasse. Der fekk eg moglegheita til å bli ein del av eit musikkmiljø med andre som hadde den same interessa som meg. Det beste med kulturskulen var å kunne få spele og utvikle seg sammen med andre, og kjenne på det samholdet som musikken skapar. Eg hugsar godt dei fyrste timane eg hadde med bandet i kulturskulen, og kor nervøs eg var. Det var veldig skummelt å vise fram det eg hadde spele heime, og som ingen andre enn meg hadde høyrd. Eg følte, og føler fortsatt, at musikk var veldig personleg, så det føltes veldig skremmande at ein plutseleg skulle vise dette fram til dei andre i bandet, og ikke minst læraren. Eg skjønte derimot ganske fort at å spele framfor og med andre ikkje var så skummelt som eg hadde sett for meg, då alle var støttande og meinte at det eg hadde å kome med var veldig bra. På grunn av dette vart eg etter kvart så trygg på dei andre i bandet at eg turte å synge.
I dag er det umogleg for meg å sjå for meg eit liv utan musikk. Eg har ikkje oversikt over kor mange gode opplevingar og kor mange moglegheiter som har dukket opp, på grunn av at eg valde å byrje med musikk. På grunn av at eg i 5.klasse valde å melde meg inn i kulturskulen, har eg fått moglegheita til å spele konserter på både små og store scener rundt om i Noreg, og eg har blitt kjend med så utruleg mange fantastiske menneske. Musikkmiljøet er eit veldig inkluderande miljø, der alle få lov til å vere seg sjølve. Det har eg erfart både i kulturskulen, og no i seinare tid på musikklærarstudiet på Hamar.
Til dei som vurderer å melde seg inn i kulturskulen, vil eg berre seie ein ting. Meld deg på! Musikk bringer med seg så mykje glede og gode opplevingar, berre ein tør å kaste seg ut i det. Og til dei som ynskjer å prøve ut det nye songtilbodet som eg skal vere lærar i frå hausten - eg ser verkeleg fram til å bli kjend med dykk. Det blir artig å synge og utvikle seg saman, og oppnå nye mål.